Тускай шериг операциязы

Украинага тускай шериг операциязын Россия чарлап, ону эгелей бээрге, чамдык кижилер аңаа удурланып турган. Бир талазында, ону чөп деп болур. Кандыг анаа кижи дайын-чаа деткип, аңаа өөрүүр боор. Дайынга удур болуру кижилерниң чаягаар сеткил-хөөнү-дүр. Ону истеп-сүрүп болбас.

 Шынап-ла, дайын дээрге оюнчук эвес, аңаа киришкен кижилерниң өлүм-чидими, когарал, чарыгдал. Ам безин Россияның регионнарындан, ооң иштинде Тывадан, та чеже кижи чок болган, ынаар та чеже дузаламчы чорудуп турар чүве. Кыдыра бодаар болза, өске чурт дээш, чонун өлүм-чидимге, качыгдалга таварыштырары шын эвес шиитпир-даа ышкаш.

Ындыг-даа болза маңаа ТШО-нуң алыс ужур-утказын, ооң чөптүүн сайгарып, билип алыр херек. Ол, бир дугаарында, ада-чурт камгалалы; ийи дугаарында, Украинаны кара күштерден хостаары. Украина барыын чурттарның дузазы-биле Россияже халдаар деп турда, Россия мурнапкан деп медээ бар. Ол ТШО-ну агартыырының бир барымдаазы. Ону агартыыр оон-даа кол барымдаалар бар. Майдандан эгелээш, Украинага болуп турган болуушкуннарны чон эки билир, ол дээрге Украинаның кара күштерге алыскан удуртукчуларының аажылалы, үүлгедиглери-дир.

Кара күштер: нацистер, фашистер Украинага мынчаар аажылап турда, Россияның удуртукчулары ону көрүп олурар аргазы чок болган болгаш ТШО-ну чарлааны ол. Ону ам хандыр көөр чүве болза, ол хөлчок ужур-уткалыг шиитпир болур. Октаргайга, делегейге ак күштер-биле кара күштерниң дайыны шаг-төөгүден туруп келген. Ону Шамбала дайыны дээр.

Ак күштерни Тибетте Шамбаланың Майдыр Бурганга удурткан Бурган-Башкылары удуртуп турар, кара күштерни Сатана удуртуп турган. Сатана дээрге өскерликчи, үрегдекчи Люцифер деп бурганның бир ады. 1936 чылда Үстүү Делегейге болган улуг тулчуушкунга Сатана хүн системазындан үндүр сывырткан. Ынчалза-даа кара күштер ам-даа үрегдекчи ажылын уламчылавышаан. Оларның чер кырында төптери Америкада болгаш Прибалтикада.

Чер кырынга кара күштер биле ак күштерниң аразынга болган ийиги делегей дайынынга ак күштүг ССРЭ тиилээн. Маңаа Бурганнар база дузалашкан. Бурганнар кижилерге дузаны олар боттары шыдавас-тыр деп чүвени билгеш, эң сөөлүнде чорудуп берип турар. Чүге дээрге кижилер кадыг-бергени, шаптараазыннарны боттары ажып эртер ужурлуг. Ол дээрге оларның кармазын арыглап алырынга, өөрү сайзыраарынга херек.

Ак күштерниң бажында чоруур Россия Бурганнарның камгалалының адаанда чоруур болгаш, кажан-даа тиилеттирбес чурт болур. Россияның чону кижи төрелгетенниң бажынга чоруур – деп, Майдыр Бурган баш удур чугаалап каан.

Барыын чурттарның удуртукчулары, байлары, чонунуң чамдык кезии кара күштерге алзып алган, оларның ажылын кылып чоруурлар. Олар Россия деп адаар улуг чаанче шоглап ээрген хаважык ыттарга дөмей. Чырык Россияга караңгының кара күштери хөңнү чок. Хөй акша-төгериин чарып, Украинага дузалажып турары оларның сарыыл чогун көргүзүп турар. Чонун, чуртун качыгдалга, сандаралга таварыштырып, шериглерин кырдырып турар эң мелегей чурт баштыңчызы кара күштерниң кижизи Зеленский болур.

 Социализмни Майдыр Бурган тургускан, ону кара күштер дүжүрүп каан. Украинада тускай шериг операциязы – ак күштер биле кара күштерниң дайыны болганда, аңаа киришкен кижи бүрүзү Майдыр Бурганның шериинге баар болгаш Майдыр Бурганга, делегейде бүгүдениң чаагай чоруунга бараан болганы ол. А ол дээрге дээди ачы-буян болур болгаш келир чуртталгазында эки үүлени алыр. Ооң буяны ажы-төлүнге, чоок кижилеринге база кээр.

Ынчангаш ТШО-же чоруп турар кижи бүрүзү Майдыр Бурганның шериинде мен деп бодап, аңаа чалбарып, тейлеп, харылзажып чоруур болза, ол камгалалды алыр. Канчаар харылзажырыл дээрге, Майдыр Бурганның чуруун мурнунга тудуп алгаш, ооң овур-хевирин тода сактып ап, чүрээнче киирип, чалап алыр, үргүлчү бодап, сактып чоруур. Харылзажырда, Бурганның овурун үшкү караанга (хавак ортузунда) бодап эккелгеш, чалбарып, харылзажыр. Кижи бүрүзү ынчаар харылзажып болур. Бурган кижилерниң бодалдарын өттүр дыңнап турар. Ооң чуруу интернетте бар. Чогум ады Мориа, шола ады Майтрея (Майдыр). Ол Бурганны чүрээнге чалап алган кижи багай үүлгедиглер кылбас, багай бодалдар бодавас, аңаа төлептиг болур ужурлуг.

Бо Бурганның чуруун интернеттен салдым. Ол бодунуң Өөредиинде: "Бир эвес дуза дилээр болзуңарза, мен кажан-даа дузалаарынга белен мен" - деп бижип турар. Ол, кижиниң карма байдалын көрүп тургаш, шиитпирлээр. Бир эвес харылзаа шын кылдынган, дуза дилээни Бурган-Башкыга четкен болза, ол кижиниң кармазынга хамаарышпас айтырыг болза, дораан дузалаар. Дуза дилеп тургаш, муңгаравас, ажынмас  болза эки. Ол ындыг байдалдарга хөңнү чок. Кол чүве Башкыга ынак болуру болгаш аңаа бүзүрээри.  Бо дээрге Будда Шакьямуни, Иисус Христос болуп чорааш, кижи төрелгетенге өөредиглерин берип чораан кол улуг Бурганывыс-тыр. Ам Майдыр болу бергеш, амгы үеге хамаарышкан Өөредиин шагда берип каан.  

ТШО-га киришкеш чок апарган кижи бүрүзү Майдыр Бурганның дайынчызы болуп, ыдыктыг дайынга бүгүдениң чаагай чоруу дээш бодун өргээн маадыр-дыр. Ол дөмей катап төрүттүнүп кээр, чүге дээрге өлүм деп чүве чок. Үрелген мага-бодун чаартып алыр дээш чоруптарын өлүм дээр. Колдуу, чоок кижилеринден, төрел аймаандан катап төрүттүнер болур.

Кижиниң чуртталгазы мөңге, черде амыдырал биле үстүү делегейде амыдырал чаңгыс тудуш болур. Үстүү делегейден даалга алгаш, эрткен чуртталгазында ажылдап алганы үүле-салымының аайы-биле кандыг чуртка, кандыг өг-бүлеге төрүттүнерин кижи боду шилип алыр, ооң хостуг эргези. Кижилер колдуу эки чуртка төрүттүнерин шилип алыр, ындыг-даа болза төрээн чурту кандыг-даа болза, аңаа эглип кээрлери база бар. Тыва, чонунуң төрүттүнериниң саны-биле, бир дугаар одуругда. Эки чурт боорга, кижилер маңаа хөйү-биле төрүттүнүп турар чадавас.

ТШО-да киржип турар тыва оолдарывыс Ада-Чурт Дайынынга киржип чораан эки-турачыларывыстың эрткен оруун, маадырлыг чоруктарын катаптап турарлар. Ада-Чурт Дайынынга тывалар немецтерниң ырмазын сып турган. Немецтер оларны «кара өлүм» деп адап турган, ол хире коргар турганнар. Ол дайынга киришкен 217 тыва эки-турачылардан чүгле Совет Эвилелиниң Маадыр деп атты 2 кижи алган. Үш дугаар кижини база командирлери «Совет Эвилелиниң Маадыры» деп атче киирип турган дээр чораан, бир-ле чылдагаан-биле ол болбайн барган, та документилери чиде берген чүве. 100 кижиден-не бир маадыр үнүп турган-дыр. Ол хире эрес-дидим турган-дыр тывалар.

Тывалар Сүбедейниң, Чиңгис-Хаанның, оларның шериглериниң салгакчылары болгаш, оларның эрес-дидими, дайынга салымныы оон үнген, оларның ханында. Сүбедей — Чиңгис-Хаанның кол шериг баштыңчызы, ооң оң холу, номнарда бижип турары дег, ооң "илчирбелиг ызырар ыды", бүгү делегейни Чиңгис-Хаанга эжелеп берген тыва кижи-ле болгай. Ооң шерииниң кол өзээ тывалар турганы чигзиниг чок. Ынчангаш тывалар Сүбедейге баштаткаш, бүгү делегейни эжелеп чораан, чаңгыс-даа аштырып көрбээн болгаш эрес-дидим, угаангыр-сагынгыр кижилер чорааннар-дыр.  Чиңгис-Хаанның чоок кижилери, дузалакчылары тывалар турган. Сүбедей Чиңгис-Хаанның оолдарын шуптузун кижизиткен. Чиңгис-Хаан Сүбедейге ол хире бүзүрээр турган.

Чиңгис-Хаан дээрге анаа-ла эжеликчи чорбаан, шупту чоннарны чаңгыс күрүне кылдыр каттыштырар сорулгалыг чораан болгаш ооң сорулгазы Бурганнарның сорулгазы-биле дүгжүп турган болгаш, аңаа Шамбаладан (Бурганнар чуртундан) дузалакчы, сүмелекчи берип каан турган. Ону «дагдан келген кырган» - дээр турган. Чүге «дагдан келген» дээрге, Шамбала Гималай дагларында туруп турар. Чиңгис-Хаан Дээрге чалбарып, оон дузаламчыны ап чораан.

Чүге дузаламчыны ап чорааныл дээрге, Үстүү Оранда, азы Дээрде Бурганнар Иерахиязы бар. Ол шупту планеталарның сайзыралын удуртуп чоруур. Сайзыралды чүгле Бурганнар кылыр, а кижилер аңаа дузалажып, эки ажылдаар ужурлуг. Бурганнарның сорулгазы болза Черде кижилерни каттыштыргаш, общиналыг азы ниити ажыл-агыйлыг күрүнелерни тургузары болур. Азы өскээр чугаалаарга, коммунизмни. Чиңгис-Хаан хамык аймактарны, чоннарны, күрүнелерни каттыштыра бээрге, аңаа дузалап турганнары ол.

Сөөлүнде 15 күрүнелерни каттыштыргаш, аңаа социализмни тургускан болгай. Ону ССРЭ (Совет Социалистиг Республикаларның Эвилели) дээн. Кара күштер социализмни дүжүрер тускай план чогааткаш, сөөлүнде ону дүжүрүп кааннар.

Чиңгис-Хаан бодунуң үезинде шылгараңгай, угаанныг кижи болуп турган-дыр. Угаанныг күрүне баштыңчылары ооң-биле дайылдашпайн, ооң күрүнезинче катчып кирип турган, а удурланганнарны күш-биле базып, күрүнезинче киирип турган. Эжелээшкин, дайын чокка улуг, каттышкан күрүне тургузары ол үеде болдунмас турган. 

Ол үениң байдалы: шупту аймактар, чоннар тарамык, бот-боттарынче халдажып, эжележиир, кончуг оожургал чок, дүшкүүрлүг үе турган. Ынчангаш Чиңгис-Хаан оларны чаңгыс күрүне кылгаш, шыңгыы чурум тудуп, оожургалдыг байдалды тургузуп, тускай мерген угаанныг Яса деп хоойлуну үндүрген. Ол Бурганнарның планынга, хөгжүлдеже базым кылырынга дузалашкан, депшилде кылган кижи болуп турар. Тываларның улуг үлүү мында база бар. Чиңгис-Хаанны төөгү номнарында кадыг-дошкун, эжелекчи кижи деп хөөредип бижип турар.

Үрегдекчи кара күштер биле Бурганнарның демисели ам-даа чоруп турар. Кара күштер биле ак күштерниң демиселиниң чижээ амгы үеде Украинада дайын ол-дур.

 Тыва чонувустуң оолдары Бурган-Башкыларга, чуртунга, чонунга, бүгүдениң чаагай чоруунга бараан болур дээш, амы-тынын харамнанмайн, маадырлыы-биле ТШО-да киржип турарлар. Оларга алдар болгаш мактал! Оларны чоок кижилериниң аразынче дүрген онча-менди эглип кээрин күзеп каалыңар!

Бодалыңар, айтырыгларыңар бар болза, мооң адаанда комментарий бижиир черге бижип болур силер.